No Coworking Miño, temos a sorte de contar cunha comunidade de profesionais diversos e talentosos. Hoxe queremos presentarvos a tres dos nosos coworkers: Paula García Otero, Juan Díaz Pardo e Natalia Seco. Cada un deles aporta unha riqueza de coñecementos e experiencias que enriquecen o noso espazo de traballo colaborativo, dando perspectivas diferentes do que supón empezar a andadura do emprendemento.
Paula García Otero: Asesora en lactancia e apoio integral á ma(pa)ternidade
Paula é unha profesional cunha paixón especial polo acompañamento durante a ma(pa)ternidade. Como asesora de lactancia certificada, ofrece asesoramento personalizado tanto en liña como presencial a familias no seu posparto, lactancia e inicio da alimentación complementaria. A súa misión é que as familias transiten esta etapa vital de forma plena e informada. Ademais, Paula participa como relatora en eventos e formacións, promovendo a igualdade e a corresponsabilidade.
Juan Díaz Pardo: Enxeñaría industrial con Ingedin Proyectos S.L.P.
Juan é enxeñeiro industrial e administrador de Ingedin Proyectos S.L.P., unha empresa dedicada ao desenvolvemento de enxeñaría de instalacións en proxectos de edificación residencial, terciaria e industrial. Ofrecen asistencia técnica a empresas do sector da construción para o desenvolvemento de proxectos, estudos e ofertas, así como apoio a particulares na posta en marcha de actividades. A súa experiencia e profesionalismo fan de Juan un colaborador valioso para calquera proxecto que requira solucións en enxeñaría.
Natalia Seco: Experta en marketing en Pronoia
Natalia é especialista en marketing dixital e crecemento empresarial, axudando a marcas e emprendedores a mellorar a súa presenza en liña e atraer máis clientes. Ofrece servizos de marketing en redes sociais, publicidade, redacción publicitaria, desenvolvemento e deseño web, así como estratexias de marketing de crecemento adaptadas a cada proxecto. A súa visión estratéxica e capacidade creativa fan dela unha aliada clave para empresas que buscan destacar no mercado dixital.
No Coworking Miño, cremos firmemente na colaboración e no apoio mutuo entre profesionais. Animamos a emprendedores e empresas a conectar con Paula, Juan e Natalia para explorar oportunidades de colaboración e beneficiarse da súa experiencia e coñecementos. Se estás buscando profesionais comprometidos e cualificados nos seus respectivos campos, non dubides en poñerte en contacto con eles.
Para máis información ou para contactar co espazo, podes chamar ao 620 73 27 60 ou visitar o noso espazo.
